لاہور تعلیمی بورڈ میں 4 ماہ بعد ریگولر سیکرٹری تعینات

لاہور: لاہور تعلیمی بورڈ میں آخرکار چار ماہ بعد ریگولر سیکرٹری کا تقرر کیا گیا ہے، اور اس کا نوٹیفکیشن بھی جاری کر دیا گیا ہے۔ محکمہ ایس این جی اے ڈی کے مطابق، ڈپٹی سیکرٹری ہائر ایجوکیشن ڈیپارٹمنٹ، رضوان نذیر کو دو سال کے لیے لاہور بورڈ کا سیکرٹری مقرر کیا گیا ہے۔

اس کے ساتھ ہی، کنٹرولر امتحانات زاہد میاں کو اضافی چارج میں مزید تین ماہ کی توسیع دے دی گئی ہے۔ کچھ دنوں سے لاہور تعلیمی بورڈ میں سیکرٹری اور کنٹرولر امتحانات کے عہدے خالی تھے۔