محکمہ موسمیات کی مختلف علاقوں میں بارش اور برفباری کی پیشگوئی

لاہور : محکمہ موسمیات نے آئندہ 24 گھنٹوں کے دوران پاکستان کے مختلف حصوں میں موسمی حالات کے بارے میں پیشگوئی کی ہے۔ شمالی بلوچستان، بالائی خیبر پختونخوا، گلگت بلتستان، کشمیر اور خطہ پوٹھوہار میں تیز ہواؤں، گرج چمک کے ساتھ بارش اور پہاڑوں پر برفباری ہو سکتی ہے۔

پنجاب کے کچھ میدانی علاقے اور بالائی سندھ میں اسموگ اور دھند چھائے رہنے کی توقع ہے، جس سے نظر کی مشکلات بڑھ سکتی ہیں۔

اس کے علاوہ، وادی کوئٹہ، پشین، قلعہ سیف اللہ، ژوب اور زیارت میں بھی بارش اور برفباری کی پیشنگوئی کی گئی ہے، جس سے سردی کی شدت میں مزید اضافہ ہونے کا امکان ہے۔