پاکستان چیمپئنز ٹرافی کی میزبانی کے لیے تیار، سکیورٹی انتظامات مکمل
دبئی: پی سی بی کے چیئرمین محسن نقوی نے اعلان کیا کہ پاکستان چیمپئنز ٹرافی کے میچز کے لیے مکمل طور پر تیار ہے اور سیکیورٹی سمیت تمام انتظامات حتمی طور پر مکمل کر لیے گئے ہیں۔ محسن نقوی نے یہ بات متحدہ عرب امارات کرکٹ بورڈ کے چیئرمین مبشر عثمانی سے ملاقات میں کہی، جہاں پاکستان اور یو اے ای میں کرکٹ کے فروغ کے لیے اقدامات پر بات چیت کی گئی۔
محسن نقوی نے کہا کہ پاکستان آنے والی تمام ٹیموں کو اسٹیٹ گیسٹ کا درجہ دے کر سیکیورٹی فراہم کی جائے گی، اور چیمپئنز ٹرافی کے میچز کے دوران کرکٹ شائقین کی بے پناہ محبت اور جوش کا مظاہرہ ہوگا۔
تبصرے بند ہیں.