پیپلز پارٹی کے 57 سال، بلاول بھٹو یوم تاسیس کی تقریبات میں شریک ہوں گے

لاہور: پاکستان پیپلز پارٹی کے قیام کو 57 سال مکمل ہو گئے ہیں، اور پیپلز پارٹی کے جیالے اس دن کو بھرپور جوش و جذبے کے ساتھ منا رہے ہیں۔ چیئرمین پی پی پی بلاول بھٹو زرداری اس موقع پر یوم تاسیس کی تقریبات میں شرکت کریں گے اور اہم پیغام دیں گے۔

پاکستان پیپلز پارٹی کی بنیاد 57 سال قبل شہید ذوالفقار علی بھٹو نے رکھی تھی۔ ذوالفقار علی بھٹو نے "روٹی، کپڑا اور مکان” کا نعرہ دے کر پی پی پی کو ملک کی سب سے بڑی سیاسی قوت بنایا۔ وہ منتخب وزیراعظم بنے اور پاکستان کا آئین دیا، تاہم انہیں شہید کر دیا گیا۔

شہید ذوالفقار علی بھٹو کے بعد بے نظیر بھٹو نے پارٹی کی قیادت سنبھالی، دوبار وزیراعظم بنیں اور جمہوریت کے لیے جدوجہد کی۔ ان کے بعد، پارٹی کی قیادت بلاول بھٹو زرداری کے پاس ہے، جنہوں نے جمہوریت کی بحالی کے لیے اہم کردار ادا کیا اور اب مسلم لیگ ن کے ساتھ مخلوط حکومت میں شریک ہیں۔