سیاسی بحران میں اضافہ ،بلوچستان اسمبلی نے پی ٹی آئی پر پابندی کی قرارداد منظور کی

کوئٹہ: بلوچستان اسمبلی نے پاکستان تحریک انصاف (پی ٹی آئی) پر پابندی عائد کرنے کی قرارداد متفقہ طور پر منظور کر لی ہے۔ صوبائی وزیروں میر سلیم احمد کھوسہ، میر محمد صادق عمرانی، میر محمد عاصم کرد اور راحیلہ حمید خان درانی نے قرارداد پیش کی، جس میں پی ٹی آئی کی پرتشدد کارروائیوں اور ملک میں سیاسی انتشار پھیلانے کی کوششوں کی مذمت کی گئی۔ قرارداد کے مطابق پی ٹی آئی کی سرگرمیاں صوبے کے امن و امان کے لیے خطرہ بن چکی ہیں۔

بلوچستان اسمبلی کے اس اقدام کے بعد اسمبلی کا اجلاس غیر معینہ مدت تک کے لیے ملتوی کر دیا گیا ہے۔ سیاسی تجزیہ کاروں کا کہنا ہے کہ یہ فیصلہ بلوچستان میں سیاسی بحران کو مزید پیچیدہ بنا سکتا ہے۔