190 ملین پاؤنڈ کیس میں نیا موڑ، بانی پی ٹی آئی کے قریبی ساتھی کی جائیدادیں قرق کرنے کا حکم

اسلام آباد:احتساب عدالت نے 190 ملین پاؤنڈ کرپشن کیس میں بانی پی ٹی آئی عمران خان کے قریبی ساتھی اشتہاری ملزم زلفی بخاری کی جائیدادیں قرق کرنے کا حکم دے دیا۔

190 ملین پاؤنڈ کرپشن کیس میں اہم پیش رفت ہوئی ہے۔ احتساب عدالت کے جج ناصر جاوید رانا نے نیب کی درخواست پر فیصلہ سنادیا ہے۔

عدالت کی جانب سے زلفی بخاری کا 30 کنال کا پلاٹ جبکہ اسلام آباد کا دوسرا چار کنال کا پلاٹ بھی بحق سرکار ضبط کرنے کا حکم دیا گیا۔

حکمنامے میں کہا گیا کہ زلفی بخاری کی 1210 کنال 12 مرلہ کی پراپرٹی ضلع اٹک میں ہے جس میں سے زلفی بخاری کی اٹک میں 91 کنال 10 مرلہ زمین بھی قرق کرنے کا حکم دیا گیا ہے۔