پنجاب میں اسکولوں کے نئے اوقات کار کا اعلان ہوگیا

لاہور : صوبہ پنجاب میں گرمیوں کی تعطیلات  اپنے اختتام پر پہنچ گئیں ۔ اسکولوں کے تدریسی اوقات کار سے متعلق نوٹیفکیشن جاری کردیا گیا ہے۔

اسکولوں کے تدریسی اوقات کار سے متعلق جاری نوٹیفکیشن کے مطابق پنجاب بھر میں گرمیوں کی تعطیلات کے بعد اسکول 15 اگست سے کھل جائیں گے۔

15 اگست سے سرکاری اسکول ہفتے میں 5 روز کھلیں گے، پیر سے جمعرات تک اسکول 8 بجے سے دوپہر ڈیڑھ بجے تک کھلے رہے گے۔تاہم بروز جمعہ اسکول 8 سے 12 تک کھلے رہیں گے۔

جاری نوٹیفکیشن کے مطابق ڈبل شفٹ میں چلنے والے اسکولو ں میں پہلی شفٹ 8 بجے سے ساڑھے 12 بجے تک ہوگی، جبکہ دوسری شفٹ میں ایک بجے سے 5 بجے تک تدریسی عمل جاری رہے گا۔