انرجی ڈرنکس دل کی بیماری کا باعث، احتیاط کریں ورنہ جان بھی جاسکتی ہے !ڈاکٹروں نے خطرے کی گھنٹی بجادی

برمنگھم:انرجی ڈرنکس دل کی بیماری کا باعث بننے لگے، ڈاکٹروں نے خطرے کی گھنٹی بجادی  ہے۔  انرجی ڈرنکس کو عام طور پر نوجوان بہت شو ق سے پیتے ہیں لیکن یہ مشروبات برطانوی نوجوانوں کے لیے جان لیوا ثابت ہورہے ہیں اور خاص طور پر دل کی بیماریوں کا باعث بن رہے ہیں، اس وجہ سے برطانوی ماہرین صحت نے خطرے کی گھنٹی بجادی ہے۔

برطانوی ڈاکٹروں کاکہنا ہےکہ  انرجی ڈرنکس جان لیوا  ہوتے ہیں  جس کے لیے جنیاتی دل کی بیماریوں میں مبتلا افراد میں ہنگامی علاج کی ضرورت ہوتی ہے۔ اس کی وجہ سے طبی طور پر کہاجاتا ہے کہ اریتھمیا کا خطرہ بڑھ جاتا ہے۔ اس  وجہ سے  دل کی دھڑکنیں بے ترتیب یا تیز ہوجاتی ہیں اور فوری طور پر طبی امداد کی ضرورت ہوتی ہے۔

امریکہ میں  محققین نے 144 مریضوں کے طبی ڈیٹا کو دیکھا جو ہنگامی علاج کے بعد دل کا دورہ پڑنے سے بچ گئے تھے۔ ان میں سے سات، جن کی عمریں 20 اور 42 کے درمیان تھیں، جان لیوا واقعے سے کچھ دیر پہلے انرجی ڈرنک پی چکے تھے، چھ کو بجلی کے جھٹکے کے علاج کی ضرورت تھی اور ایک کو فوری بحالی کی ضرورت تھی۔

مریضوں میں سے تین باقاعدگی سے انرجی ڈرنک استعمال کرنے والے تھے اور چار میں ایک قسم کی جینیاتی دل کی بیماری کا انکشاف ہوا تھا۔
اٹلی کے شہر میلان میں سینٹر فار کارڈیک اریتھمیاس آف جینیٹک اوریجن اور لیبارٹری آف کارڈیو ویسکولر جینیٹکس کے پیٹر جے شوارٹز نے میڈیکل کے آرٹیکل میں لکھا کہ  انرجی ڈرنکس سے گریز ہی کرنا چاہئے کیونکہ ا س سے دل کا عارضہ لاحق ہوسکتا ہے اور  قبل ازو وقت موت بھی ہوسکتی ہے۔
اس حوالے سے ایک اور طبی ماہر کا کہنا ہےکہ  اگرچہ نسبتا خطرہ کم ہے اور انرجی ڈرنک پینے کے بعد اچانک موت کا قطعی خطرہ اور بھی کم ہے، لیکن ایسے مریضوں کو جن کے بارے میں معلوم ہوا کہ اچانک موت جینیاتی دل کی بیماری کا امکان ہے۔ توازن میں ایسے مشروبات پینے کے خطرات اور فوائد کا وزن کریں۔

برٹش ہارٹ فاؤنڈیشن کے مطابق، برطانیہ میں ایک اندازے کے مطابق 340,000 افراد کو وراثت میں دل کی بیماری ہے