پاکستانی برانڈز کے فروغ کے لئے ‘میرا برانڈ پاکستان’نمائش کا افتتاح،  حاصل کردہ منافع فلسطینیوں کیلئے وقف کرنے فیصلہ 

بزنس
170

کراچی: مقامی برانڈز کے فروغ کے لئے ‘میرا برانڈ پاکستان’ نمائش کا افتتاح کردیا گیا۔ پاکستان بزنس فورم کے زیر اہتمام کراچی ایکسپو سینٹر میں منعقدہ دو روزہ نمائش میں پاکستان کی 92 کمپنیوں نے 196 اسٹالز لگائے، جن میں 360 برانڈز متعارف کروائی گئی ہیں۔

 

نمائش سے حاصل ہونے والا منافع فلسطین کے مظلوم مسلمانوں کو بھجوایا جائے گا۔ نمائش میں امیر جماعت اسلامی کراچی حافظ نعیم اور نگراں وزیر صحت سندھ ڈاکٹر سعد خالد نیاز نے خصوصی شرکت کی۔ نمائش میں ضرورت زندگی کی ہر شے کے اسٹالز موجود ہیں جو تمام مصنوعات پاکستانی ہیں.

 

کاروباری حضرات کا کہنا تھا ہمارے پاس کوالٹی پراڈکٹ موجود ہے لیکن لوگوں کو اس کی آگاہی نہیں ہے۔ شرکا کی بڑی تعداد نمائش میں موجود شرکا کا کہنا تھا پاکستانیوں میں وہ حوصلہ پیدا کرنا ہے کہ انہیں پاکستانی پراڈکٹ استعمال کرنے میں فخر ہو ۔

نمائش کے افتتاح کے موقع پر امیر جماعت اسلامی حافظ نعیم کا کہنا تھا کہ ہمیں پاکستانی مصنوعات میں معیار برقرار رکھتے ہوئے عوام کا اعتماد حاصل کرنا ہے جبکہ نگراں وزیر صحت سندھ کا کہنا تھا کہ جب پاکستان میں معیاری اشیا ہیں تو بیرون ملک کے برانڈز کا استعمال کیوں کیا جائے ہمیں مقامی برانڈز کو فروغ دینا چاہیئے اور ان تمام بین الاقوامی مصنوعات کا بائیکاٹ کرنا چاہیے کو اسرائیل کو سپورٹ کررہی ہیں۔

Zarmeen Durrani 6260 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.