عام انتخابات، گوگل نے ‘گوگل ٹرینڈز پاکستان جنرل الیکشن’ کا صفحہ لانچ کر دیا

کیلیفورنیا:  ملک بھر میں 8 فروری 2024 کو ہونے والے عام انتخابات کی معلومات کیلئے سرچ انجن گوگل نے ‘گوگل ٹرینڈز پاکستان جنرل الیکشن’ کا صفحہ لانچ کر دیا۔

سرچ انجن گوگل کے مطابق میڈیا آؤٹ لیٹس اور عام لوگوں کو عام انتخابات کے حوالے سے ڈیٹا تک آسانی سے رسائی حاصل کرنے میں مدد کرنے کے لیے، گوگل نے’ گوگل ٹرینڈز پاکستان جنرل الیکشن‘ کا صفحہ قائم کیا ہے، جو کہ ایک ایسا ٹول ہے جو انتخابات میں حصہ لینے والی جماعتوں میں سرفہرست سرچ سوالات، موضوعات اور دلچسپیوں کو ظاہر کرتا ہے۔

گوگل کے اس صفحے کے ذریعے انتخابات میں حصہ لینے والی سیاسی جماعتوں سے متعلق سوالات، موضوعات اور دلچسپیوں کے حوالے سے معلومات پیش کرے گا، اس صفحے میں ملک کے ہر حصے میں ہونے والے انتخابات سے متعلق موضوعات کا ڈیٹا بھی شامل ہے مثال کے طور پر ٹیکس، معیشت وغیرہ۔

سرچ انجن نے یہ بھی شیئر کیا کہ رجحانات کے صفحے کے تمام چارٹ کسی بھی سائٹ پر سرایت کرنے کے قابل ہیں اور انہیں آؤٹ لیٹ کی سائٹ پر رکھنے کے بعد بھی اپ ڈیٹ کیا جائے گا۔

تاہم، سرچ انجن نے واضح کیا کہ صفحہ ایک ٹول ہے جو اس بات کی عکاسی کرتا ہے کہ لوگ کیا تلاش کر رہے ہیں، یہ صفحہ عام انتخابات کے حوالے سے کسی قسم کا سروے اور ووٹنگ کے بارے میں رجحانات کو ظاہر نہیں کرتا ہے۔

گوگل کی جانب سے واضح کیا گیا کہ یہ صرف وقت کے ساتھ ساتھ مقامی سطح پر مخصوص موضوعات کے بارے میں لوگوں کی تلاش کی دلچسپی کو ظاہر کرتا ہے۔ گوگل نے کہا کہ کسی خاص سرچ استفسار میں اضافہ اس بات کی عکاسی نہیں کرتا کہ کوئی سیاسی جماعت کسی نہ کسی طرح ‘زیادہ مقبول’ یا ‘جیتنے والی’ ہے۔