صنعت و روزگار کا فروغ، مہمند اکنامک زون قائم ،خیبر پختونخوا حکومت نے معاشی ترقی کے لیے 17 صنعتی یونٹس قائم کردیے

پشاور:خیبر پختونخوا حکومت نے معاشی ترقی کے لیے 17 صنعتی یونٹس قائم کردیے ۔خیبر پختونخوا حکومت نے صوبے میں معاشی ترقی کے لیے 17 صنعتی یونٹس بنائے ہیں، انہی میں سے ایک صنعتی یونٹ ڈسٹرکٹ مہمند میں بھی قائم کیا گیا جہاں صنعتی سرگرمیوں کا آغاز ہو چکا ہے اور سینکڑوں افراد کو روزگار کے مواقع میسر آئے ہیں۔
ضم شدہ قبائلی اضلاع میں صنعتی سرگرمیوں کے فروغ اور لوگوں کو روزگار کے بہتر مواقع فراہم کرنے کے لیے 350 ایکڑ رقبہ پر محیط مہمند اکنامک زون قائم کیا گیا ہے۔زون میں تیار ہونے والی اشیاء جنرل سیلز ٹیکس سے مستثنیٰ ہوں گی، زون میں 24 گھنٹے بجلی فراہمی کو بھی یقینی بنایا گیا ہے۔
ایزدیمک کے سربراہ کا کہنا ہے کہ کوشش کی جا رہی ہے کہ اسے خصوصی اکنامک زون کا درجہ دلوایا جائے تاکہ صنعتوں کو حاصل ٹیکس چھوٹ برقرار رکھی جا سکے۔