پاکستان آسٹریلیا ٹیسٹ میچ:پلیئنگ الیون کا اعلان، ٹرافی کی بھی رونمائی

کھیل
76

پرتھ: پاکستان آسٹریلیا کے پہلے ٹیسٹ میچ کیلئے پاکستان پلیئنگ الیون کا اعلان کر دیا گیا۔

 

پاکستان پلیئنگ الیون میں امام الحق، عبداللہ شفیق اور کپتان  شان مسعود شامل ہیں۔   بابر اعظم ، وکٹ کیپر سرفراز احمد، سعود شکیل اور سلمان علی آغا بھی ٹیم میں شامل ہیں۔

 

پاکستان آسٹریلیا کے پہلےٹیسٹ میچ میں پاکستان کے عامر جمال خرم شہزاد ڈیبیو کریں گے۔ فہیم اشرف اور شاہین شاہ آفریدی بھی ٹیم کا حصہ ہوں گے۔

 

دوسری جانب پاکستان اور آسٹریلیا کے درمیان کھیلی جانے والی ٹیسٹ سیریز کی بینو قادر ٹرافی کی رونمائی کر دی گئی۔ٹرافی کی رونمائی میں دونوں ٹیموں کے کپتانوں نے حصہ لیا۔

 

پاکستان کے کپتان شان مسعود اور آسٹریلیا کے کپتان پیٹ کمنز نے اس موقع پر پرتھ اسٹیڈیم میں ٹرافی کے ساتھ تصاویر بنوائیں۔

 

پرتھ میں کھیلےجانے والے پہلے ٹیسٹ میچ کیلئے  آسٹریلیا نے پاکستان کے خلاف پہلے ٹیسٹ میچ کے لیے پلیئنگ الیون کا اعلان بھی کر دیا ہے۔

 

آسٹریلوی ٹیم میں ڈیوڈ وارنر، عثمان خواجہ، مارنوس لبوشین، اسٹیو اسمتھ، مچل مارش، ٹریوس ہیڈ، الیکس کیری اور مچل اسٹارک شامل ہیں۔پاکستان کے خلاف پہلے میچ کے لیے آسٹریلوی ٹیم میں کپتان پیٹ کمنز، نیتھن لائن اور جوش ہیزل ووڈ بھی شامل ہیں۔

 

واضح رہے کہ پاکستان اور آسٹریلیا کے درمیان پہلا ٹیسٹ میچ کل سے پرتھ میں شروع ہو گا۔

Zarmeen Durrani 6260 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.