ورلڈ کپ سے پہلے بنگلہ دیشی کپتان نے ریٹائرمنٹ کا اعلان کر دیا

نمایاں خبریںکھیل
89

 

حید آباد: بنگلہ دیشی کپتان شکیب الحسن نے اپنے ریٹائرمنٹ پلان کا خاکہ پیش کرتے ہوئے کہا ہے کہ 2025 کی چیمپئنز ٹرافی بطور بین الاقوامی کرکٹر ان کی آخری اسائنمنٹ ہو سکتی ہے۔ انہوں نے کہا کہ وہ 2024 کے ٹی 20  ورلڈ کپ کے بعد ٹی 20 انٹرنیشنل کرکٹ کو چھوڑنے کا ارادہ رکھتے ہیں، اور بھارت میں آئندہ ون ڈے ورلڈ کپ کے بعد ٹیسٹ سے ریٹائر ہو سکتے ہیں۔

شکیب نے کہا کہ  میں 2025 کی چیمپئنز ٹرافی کے بعد با قاعدہ طور پر اپنی ریٹائرمنٹ کا اعلان کروں گا۔

غیر ملکی سپورٹ چینل کو انٹرویو دیتے ہوئے بنگلہ دیشی کپتان شکیب نے یہ بھی انکشاف کیا کہ انہوں نے اس ماہ کے شروع میں ایشیا کپ سے واپسی کے بعد تقریباً کپتانی چھوڑ دی تھی لیکن وہ  ٹیم انتظامیہ کے ساتھ بات چیت کے بعد ورلڈ کپ کے لیے ٹیم میں شامل رہے۔

 

 

انہوں نے کہا کہ اگست کے شروع میں تمیم کے مستعفی ہونے کے بعد انہوں نے ابتدائی طور پر ایشیا کپ کے لیے بھی کپتانی سے انکار کر دیا تھا، لیکن ٹیم کے بارے میں سوچ کر ذمہ داری سنبھالی۔

شکیب نے کہا  میں صرف ورلڈ کپ تک کپتان ہوں، میں نے 17 ستمبر کو کپتانی سے استعفیٰ دیا تھا۔ میں نے پاپون کو مطلع کیا اور سی ای او کو ای میل کیا کہ میں کپتان نہیں بننا چاہتا۔

 

بنگلہ دیش 29 ستمبر اور 2 اکتوبر کو گوہاٹی میں سری لنکا اور انگلینڈ کے خلاف ورلڈ کپ وارم اپ میچز کھیلے گا۔بنگلہ دیش کا ٹورنامنٹ کا پہلا میچ 7 اکتوبر کو دھرم شالہ میں افغانستان کے خلاف ہے۔

Zarmeen Durrani 6260 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.