زرمبادلہ کے ذخائر میں 10 کروڑ 70 لاکھ ڈالر کا اضافہ

کراچی : زر مبادلہ کے ذخائر میں 10 کروڑ 70 لاکھ ڈالر کااضافہ ہوگیا ہے۔ ملکی زرمبادلہ ذخائر 15 ستمبر کو ختم ہوئے ہفتے میں 10 کروڑ 70 لاکھ ڈالر بڑھے ہیں۔

سٹیٹ بینک آف پاکستان کے مطابق 15 ستمبر تک ملکی زرمبادلہ ذخائر 10 کروڑ 70 لاکھ ڈالر اضافے سے 13 ارب 18 کروڑ ڈالر رہے۔

مرکزی بینک کے ذخائر پانچ کروڑ 64 لاکھ ڈالر اضافے سے 7 ارب 69 کروڑ ڈالر رہے۔کمرشل بینکوں کا زرمبادلہ ذخیرہ 5 کروڑ 11 لاکھ ڈالر اضافے سے 5 ارب 49 کروڑ ڈالر رہا۔