پاکستان تحریک انصاف کے سابق ایم پی اے راجہ اظہر گرفتار

کراچی: کراچی کے علاقے صدر سے سابق صوبائی اسمبلی راجہ اظہر کو نامعلوم افراد کی جانب سے گرفتار کر لیا گیا۔

سابق ممبر قومی اسمبلی و سینئر نائب صدر کراچی فہیم خان  نےگرفتاری کی تصدیق کر دی.

سابق ممبر قومی اسمبلی اور سینئر نائب صدر پی ٹی آئی کراچی فہیم خان نےراجہ اظہر کی گرفتاری کی مذمت کرتے ہوئے کہا کہ  راجہ اظہر کی گرفتاری پر اظہار افسوس  ہوا ہے، راجہ اظہر کو نامعلوم افراد کی جانب سے گرفتار کیا  گیا ہے۔

انہوں نے کہا کہ راجہ اظہر کے گھر گزشتہ  3 دن سےمسلسل پولیس کی جانب سے چھاپے مارے جا رہے تھے ۔جس طرح پولیس کی جانب سے  چادر چاردیواری کا تقدس پامال کیا گیا انتہائی شرمناک  حرکت ہے۔

سینئر نائب صدر پی ٹی آئی کراچی فہیم خان  کا کہنا تھا کہ گرفتاری کے بعد نامعلوم مقام پر راجہ اظہر کو منتقل کرلیا گیا ہے جسکی  شدید الفاظ میں مذمت کرتا ہوں۔