یوٹیوب کیجانب سے کی جانے والی اہم تبدیلی، جو اب ہوم پیج پر تجویز کردہ ویڈیوز کو روک دے گی

واشنگٹن: گوگل سے منسلک یوٹیوب کیجانب سے ایک اہم تبدیلی  پلیٹفارم کے صارفین کے لیے متعارف کروا دی گئی ہے، جو اب ہوم  پیج پر  تجویز کردہ ویڈیوز کو روک دے گی۔

جب ہی   یوٹیوب  کھولتے ہیں تو آپ کو مختلف تجویز کردہ ویڈیوز سامنے نظر آتی ہیں جو کہ یوٹیوب کی جانب سے صارف کی دلچسپیوں کو مدنظر رکھ کر تجویز کی جاتی ہیں اور اگر آپ  کو یوٹیوب اوپن کرتے ہی اس کے ہوم پیج پر تجویز کردہ ویڈیوز پسند نہیں تو اب اسےیوٹیوب کی نئی اپڈیٹ کے بعد بدلنا ممکن ہے۔ اس کے لیے اب صارفین کو واچ ہسٹری بند کرنی کی سہولت جلد دے دی جائے گی۔

یوٹیوب نے ایک نئی اپ ڈیٹ کا اعلان کیا ہے جو ان صارفین کے لیے ویڈیو سجسشنز کو بندکر دے گا جنہوں نے اپنی واچ ہسٹری کو بند کر رکھا ہے۔اس اپ ڈیٹ کا مقصد ان صارفین کے لیے ایک مسئلہ حل کرنا ہے جو اپنے ہوم فیڈ پرتجویز کردہ ویڈیوز نہیں دیکھنا چاہتے۔

پہلے یوٹیوب صارف کی واچ ہسٹری کی ترتیبات کی بنیاد پر سفارشات ظاہر کرتا تھا، جس کے نتیجے میں تھمب نیلز سے بھرا ایک بے ترتیبی اور افراتفری والا ہوم پیج ہوتا ہے۔ تاہم  تازہ ترین اپ ڈیٹ کے ساتھ، صارفین کے پاس اپنی  واچ ہسٹری بند کرنے کا اختیار ہے، جس کے نتیجے میں ہوم پیج زیادہ آسان   اور تجویز کردہ ویڈیوز  کم ہونگی۔ ہوم پیج میں اب صرف سرچ بار اور سبسکرپشنز، شارٹس اور لائبریری کے شارٹ کٹ کے ساتھ بائیں ہاتھ کا گائیڈ مینو  میں شامل ہوگا۔

یوٹیوب کی بنیادی کمپنی گوگل کا کہنا ہے کہ یہ نیا تجربہ یہ واضح کرنے کے لیے ڈیزائن کیا گیا ہے کہ یوٹیوب کی کون سی خصوصیات ویڈیو کی سفارشات کے لیے واچ ہسٹری  پر انحصار کرتی ہیں۔اس کا مقصد ان صارفین کے لیے پلیٹ فارم کو ہموار کرنا بھی ہے جو سفارشات کو  دیکھنے   کی بجائے  دیگرمواد کی تلاش  اور دیکھنے کو ترجیح دیتے ہیں۔

یہ تبدیلیاں یوٹیوب صارفین کے لیے اگلے چند مہینوں میں بتدریج متعارف کرائی جائیں گی۔