یوکرینی صدر کا عارف علوی سے رابطہ، اقوام متحدہ میں حمایت مانگ لی

21

اسلام آباد: یوکرین کے صدر ولادی میر زیلنسکی نے صدر مملکت ڈاکٹر عارف علوی سے ٹیلی فونک رابطہ کیا جس میں دونوں صدور نے دو طرفہ تعلقات پر تبادلہ خیال کیا۔
ٹیلی فونک گفتگو میں دونوں صدور نے روس یوکرین جنگ کے تناظر میں ترقی پذیر ممالک کو درپیش توانائی اور خوراک کے مسائل اور دونوں ممالک کے سیاسی و اقتصادی تعلقات پر گفتگو کی اور میز زیلنسکی نے صدر مملکت عارف علوی کو یوکرین کے دورے کی دعوت بھی دی۔
دونوں سربراہان مملکت نے باہمی فائدے کیلئے اقتصادی اور تجارتی تعلقات کو بڑھانے کی ضرورت پر زور دیا جبکہ یوکرینی صدر نے 10 نکاتی امن فارمولے پر بھی بات کی۔
صدر میر زیلنکسی نے روس یوکرین جنگ کے خاتمے کیلئے اقوام متحدہ کی جنرل اسمبلی میں پیش کی جانے والی قرارداد کے مسودے پر پاکستان کی حمایت بھی مانگی۔ 
ذرائع کے مطابق صدر مملکت عارف علوی نے کہا کہ روس یوکرین جنگ پر پاکستان کو گہری تشویش ہے، پاکستان اقوام متحدہ کے چارٹر کے مطابق جنگ کے پرامن حل کی حمایت کرتا ہے، حکومت پاکستان کی طرف سے مجوزہ قرارداد کے مندرجات کا جائزہ لیا جا رہا ہے۔

تبصرے بند ہیں.