پی ایس ایل کے نمائشی میچ میں کوئٹہ گلیڈی ایٹرز نے پشاور زلمی کو 3 رنز سے شکست دیدی

17

کوئٹہ: بگٹی اسٹیڈیم میں27 سال بعد کرکٹ لوٹ آئی ، پاکستان سپر لیگ کے آٹھویں سیزن کے نمائشی میچ میں کو ئٹہ گلیڈی ایٹرز نے پشاور زلمی کو 3 رنز سے شکست دے دی ، افتخار احمد نے پچاس گیندوں پر چورانوے رنز کی اننگز کھیل کر میچ کو یادگار بنایا۔

 

کوئٹہ گلیڈی ایٹرز نے 20 اوورز میں 5 وکٹوں کے نقصان پر 184 رنز بنائے ، افتخار احمد نے کوئٹہ گلیڈی ایٹرز کی طرف سے 94 رنز کی جارحانہ اننگز کھیلی ۔

 

کوئٹہ گلیڈی ایٹرز کے کپتان سرفراز احمد 4 رنز بنا کر آؤٹ ہوئے جبکہ زلمی کی جانب سے وہاب ریاض نے تین جبکہ عامر جمال اور اسامہ میر نے ایک ایک وکٹ حاصل کی ۔ پشاور زلمی نے کوئٹہ گلیڈی ایٹرز کے 185 رنز کے دیے گئے ہدف کے تعاقب میں 7 وکٹوں کے نقصان پر 181 رنز بنائے ۔

 

پشاور زلمی کے محمد حارث 53 اور شاہد آفریدی 17 گیندوں پر 25 رنز بنا کر نمایاں رہے، کپتان بابر اعظم 18 گیندوں پر 23 رنز بنا کر آؤٹ ہوئے۔

 

 

 

 

 

تبصرے بند ہیں.