چھوٹے لوگ بڑے عہدوں پر بیٹھ گئے، اسپیکر کا بھی یہی حال ہے، فواد چودھری کے تنقیدی وار

لاہور: چھوٹے لوگ بڑے عہدوں پر بیٹھ گئے ، اسپیکر کا بھی یہی حال ہے ، فواد چودھری کے تنقیدی وار، کہتے ہیں ہمارے ارکان نے ایوان میں کھڑے ہو کر استعفے دیئے ۔

سپیکر قومی اسمبلی راجہ پرویز اشرف نے کہا ہے کہ پی ٹی آئی کے کچھ ارکان نے استعفے منظور نہ کرنے کی درخواست کی ہے ۔ ان کے نام ظاہر نہیں کروں گا ۔ پی ٹی آئی کو کہوں گا پارلیمنٹ میں کردار ادا کرے ۔ عجلت میں استعفے منظور نہیں کروں گا ۔

راجہ پرویز اشرف کے بیان پر ردعمل دیتے ہوئے فواد چودھری نے کہا کہ ہمارے ارکان نے ایوان میں کھڑے ہو کر استعفے دیئے ، استعفے دینے کے بعد ہمارے اراکین نے تنخواہ یا مراعات نہیں لیں ، لگتا ہے ان چوروں نے اپنی تنخواہ ڈبل کی ہے ، ہم نے استعفوں کے معاملے پر اسپیکر کو خط لکھا تھا ۔

انہوں نے کہا کہ پہلے ڈالر نہیں مل رہا تھا اب سونے کی کمی ہوگئی ہے ، بلاول بھٹو کبھی کبھی پاکستان کے دورے پر آجاتے ہیں ۔