محمد بن سلمان نے شاہ سلمان بین الاقوامی ہوائی اڈے کے ماسٹر پلان کا افتتاح کردیا

ریاض: سعودی عرب کے ولی عہد شہزادہ محمد بن سلمان نے دارالحکومت الریاض میں شاہ سلمان بین الاقوامی ہوائی اڈے کے ماسٹر پلان کا افتتاح کردیا ۔

سعودی میڈیا کے مطابق یہ دنیا کے سب سے بڑے ہوائی اڈوں میں سے ایک ہوگا ۔ اس ہوائی اڈے کا منصوبہ الریاض کو دنیا کی سرفہرست 10 معیشتوں میں شامل کرنے کے ویژن کا حصہ ہے ۔ اس کے ساتھ ساتھ یہ منصوبہ دارالحکومت کی آبادی میں اضافے اور اس کی ضروریات کو پورا کرنے کے لیے وضع کیا گیا ہے ۔ 2030ء تک الریاض کی آبادی ڈیڑھ کروڑ سے دو کروڑ افراد کے درمیان ہونے کی توقع ہے ۔

اس ہوائی اڈے سے الریاض کی عالمی لاجسٹکس مرکز کی حیثیت میں بھی اضافہ ہوگا اور مملکت میں تجارت اور سیاحت کے فروغ میں مدد ملے گا ۔