بین سٹوکس کی سیلاب زدگان کیلئے امداد پر وزیراعظم شہباز شریف کا ردعمل
اسلام آباد: وزیراعظم شہباز شریف نے انگلینڈ کی ٹیسٹ ٹیم کے کپتان بین کی جانب سے پاکستان میں سیلاب متاثرین کی مدد کیلئے اعلان پر ردعمل کا اظہار کیا ہے۔
تفصیلات کے مطابق انگلش کپتان بین سٹوکس نے سیلاب متاثرین کی مدد کیلئے پاکستان کیخلاف ٹیسٹ سیریز کی اپنی مکمل میچ فیس کی رقم عطیہ کرنے کا اعلان کیا اور کہا کہ رواں سال کے آغاز میں پاکستان میں تباہ کن سیلاب کو دیکھ کر بہت دکھ ہوا۔
I’m donating my match fees from this Test series to the Pakistan Flood appeal ❤️?? pic.twitter.com/BgvY0VQ2GG
— Ben Stokes (@benstokes38) November 28, 2022
وزیراعظم شہباز شریف نے سماجی رابطوں کی ویب سائٹ پر جاری پیغام میں ان کے اقدام کو سراہ اور لکھا ’ہم انگلینڈ کے کپتان بین سٹوکس کی جانب سے ٹیسٹ سیریز کی اپنی تمام میچ فیس سیلاب متاثرین کیلئے وقف کرنے کے اس اقدام کو سراہتے ہیں، دکھی انسانیت کے ساتھ ہمدردی سب سے افضل ہے۔ بین سٹوکس کا یہ جذبہ برطانیہ کی عظیم انسان دوستی کی روایت کا مظہر ہے۔‘
We appreciate the kind gesture of England Captain Ben Stokes donating his fees of entire Test series for flood victims of Pakistan. Empathy for suffering humanity is the greatest of all virtues. His gesture epitomises the great British tradition of philanthropy. ?? ??
— Shehbaz Sharif (@CMShehbaz) November 28, 2022
واضح رہے کہ انگلش کرکٹ ٹیم پاکستانی سر زمین پر 17 سال بعد ٹیسٹ سیریز کھیلنے کیلئے اسلام آباد پہنچ چکی ہے اور دونوں ٹیموں کے درمیان تین میچز کی سیریز یکم دسمبر سے شروع ہو گی۔
تبصرے بند ہیں.