بنگلہ دیش کیخلاف شاندار کارکردگی پر بابراعظم کی محمد حارث کی کھل کر تعریف

کھیل
27

ایڈیلیڈ: پاکستان کرکٹ ٹیم کے کپتان بابر اعظم نے بنگلہ دیش کے خلاف میچ میں زبردست کارکردگی کا مظاہرہ کرنے پر محمد حارث کی کھل کر تعریف کی ہے۔ 
تفصیلات کے مطابق میچ کے بعد ڈریسنگ روم میں ٹیم سے خطاب کرتے ہوئے بابر اعظم نے کہا کہ آئندہ میچز میں ہم نے پوری کوشش کرنی ہے اور اپنا پورا زور لگانا ہے، ہر کھلاڑی کو میچ ختم کرنے کی کوشش کرنی ہے۔
بابر اعظم نے مزید کہا کہ پچھلے دو میچز میں جس طرح تمام لوگ ٹیم بن کر کھیلے، آگے بھی اسی طرح کھیلنا اور چلنا ہے، ٹیم کی جیت کیلئے اپنا 100 فیصد حصہ شامل کرنا ہے۔

قومی ٹیم کے کپتان نے نوجوان بیٹر محمد حارث کی تعریف کرتے ہوئے کہا کہ جس طرح تم کھیلے ہو آئندہ بھی ایسے ہی کھیلنا ہے اور کوشش یہی کرنی ہے کہ میچ کو ختم کر کے ہی آئیں، ایسا کرنے سے تمہارا اعتماد بڑھے گا۔
بابر اعظم کی طرف سے داد ملنے پر پوری ٹیم نے محمد حارث کیلئے تالیاں بجاتے ہوئے ان کی خوب حوصلہ افزائی بھی کی جبکہ بابراعظم نے مزید کہا کہ یہ چھوٹی چھوٹی باتیں آپ کو آگے تک لے کر جائیں گے۔ 

Ayesha Siddiqa 6590 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.