پی ٹی آئی نے فیصل واوڈا کی جماعتی رکنیت ختم کردی

اسلام آباد: پاکستان تحریک انصاف (پی ٹی آئی) نے فیصل واوڈا کی بنیادی جماعتی رکنیت ختم کردی ، رکنیت کے خاتمے کا باضابطہ نوٹیفکیشن بھی جاری کر دیا گیا ۔

علی حیدرزیدی کی جانب سے پارٹی پالیسی کی خلاف ورزی پر فیصل واوڈا کو شوکاز نوٹس جاری کیا گیا تھا ۔ شوکاز نوٹس میں فیصل واوڈا سے 2 روز میں جواب طلب کیا گیا تھا ۔ وقت مقرر میں جواب جمع نہ کرانے پر فیصل واوڈا کی جماعتی رکنیت ختم کر دی گئی ہے ۔

واضح رہے کہ گزشتہ روز فیصل واوڈا نے اپنے ٹویٹ میں کہا کہ میں اپنے قائد عمران خان صاحب کو سمجھاتا رہا ، بتاتا رہا ، نشاندہی کرتا رہا کہ ان کی 26 سال کی سیاسی محنت کو 2 خاص ، 3 سانپ اور کچھ کیڑے کسی اور ڈگر لے کر جا رہے ہیں ۔

میں اپنے قائد عمران خان صاحب کو سمجھاتا رہا، بتاتا رہا، نشاندہی کرتا رہا کہ انکی 26 سال کی سیاسی محنت کو 2خاص، 3 سانپ اور کچھ کیڑے کسی اور ڈگر لے کر جا رہے ہیں، جس سے ملک کو نقصان، PDM کو فائدہ اور اداروں سے محاذآرائی ہوئی، ہم سمجھوتے کے بہت قریب تھے، جلد انکے نام سامنے لاونگا

— Faisal Vawda (@FaisalVawdaPTI) October 28, 2022

انہوں نے مزید کہا کہ اس سے ملک کو نقصان ، پی ڈی ایم کو فائدہ اور اداروں سے محاذ آرائی ہوئی ۔ ہم سمجھوتے کے بہت قریب تھے ۔ جلد ان کے نام سامنے لاؤنگا ۔