عمران خان آج تحریک انصاف پنجاب کے رہنماؤں سے اہم ملاقات کریں گے

35

اسلام آباد: چیئرمین پاکستان تحریک انصاف (پی ٹی آئی) عمران خان آج تحریک انصاف پنجاب کے رہنماؤں سے اہم ملاقات کریں گے ۔

 

پی ٹی آئی ذرائع کے مطابق عمران خان بنی گالہ میں پنجاب کے رہنماؤں سے ملاقات کریں گے ، ملاقات میں ملک کی موجودہ سیاسی صورتحال پر بات چیت کی جائے گی ۔ اس کے علاوہ ملاقات میں لانگ مارچ کی تیاریوں کے حوالے سے بھی تفصیلی گفتگو کی جائے گی ۔

 

ملاقات میں عمران خان پنجاب کے رہنماؤں سے لانگ مارچ کی کامیابی کیلئے رائے لیں گے اور مشاورت بھی ہوگی ۔ رہنما عمران خان کو سیلابی صورتحال سے ہونے والی نقصانات پر بریفنگ بھی دیں گے ۔

 

 

واضح رہے کہ گزشتہ روز چیئرمین پی ٹی آئی عمران خان نے چارسدہ میں سیلاب متاثرہ علاقوں کا دورہ کیا تھا ۔ عمران خان نے متاثرین سے ملاقات کی اور ریلیف کے کاموں کا جائزہ لیا ۔ اس موقع پر وزیراعلیٰ خیبرپختونخوا بھی عمران خان کے ہمراہ تھے ، حکام نے عمران خان کو سیلاب کے حوالے سے بریفنگ دی ۔ متاثرین کی ریلف پر 657 اور بحالی 3117 ملین خرچ ہوں گے ۔

 

 

تبصرے بند ہیں.