عمران نیازی کا اداروں کو بدنام کرنا اور نفرت انگیز باتیں حد سے تجاوز کر رہی ہیں: وزیر اعظم

اسلام آباد: وزیراعظم شہباز شریف نے کہا ہے کہ عمران نیازی کا اداروں کو بدنام کرنا اور نفرت انگیز باتیں حد سے تجاوز کر رہی ہیں ۔

اپنی ٹویٹ میں وزیر اعظم نے کہا کہ عمران نیازی کا واضح ایجنڈا پاکستان کو تباہ اور کمزور کرنا ہے ، اس لیے وہ مسلح افواج اور قیادت پر زہریلے الزامات لگا رہے ہیں ۔

Imran Niazi’s despicable utterances to malign institutions are touching new levels every day. He is now indulging in direct mud-slinging & poisonous allegations against Armed Forces & its leadership. His nefarious agenda is clearly to disrupt & undermine Pakistan.

— Shehbaz Sharif (@CMShehbaz) September 5, 2022

واضح رہے کہ گزشتہ روز فیصل آباد میں پی ٹی آئی کے جلسے سے خطاب کرتے عمران خان نے کہا کہ آرمی چیف میرٹ پر لگنا چاہیے ۔ یہ لوگ اپنا آرمی چیف لگانے کے لیے اقتدار میں آئے ہیں ۔ نواز اور زرداری محب وطن اور مضبوط آرمی چیف کی تعیناتی نہیں چاہتے اسی لیے الیکشن سے بھاگ رہے ہیں اور نومبر میں اپنی مرضی کا آرمی چیف لگانا چاہتے ہیں ۔

انہوں نے مزید کہا کہ سابق صدر پرویز مشرف نے نواز شریف اور زرداری کو این آر او دیا ۔ یہ ملک لوٹنے کے لیے اقتدار میں آتے ہیں اور جب مشکل وقت آتا ہے تو باہر چلے جاتے ہیں اور پھر این آر او کرکے واپس آجاتے ہیں ۔ آصف زرداری ملک کی سب سے بڑی بیماری ہے ۔