مشفق الرحیم کا ٹی 20 انٹرنیشنل کرکٹ سے ریٹائرمنٹ کا اعلان

ڈھاکہ: بنگلہ دیش کرکٹ ٹیم کے وکٹ کیپر بلے باز مشفق الرحیم نے ٹی 20 انٹرنیشنل کرکٹ سے ریٹائرمنٹ کا اعلان کر دیا ہے۔ 
تفصیلات کے مطابق مشفق الرحیم نے سماجی رابطوں کی ویب سائٹ ٹوئٹر پر جاری پیغام میں ٹی 20 انٹرنیشنل کرکٹ سے ریٹائرمنٹ کا اعلان کرتے ہوئے کہا کہ ’میں اب ٹیسٹ اور ون ڈے فارمیٹ پر توجہ مرکوز کروں گا۔‘ 
ان کا کہنا تھا کہ ’میں ٹی 20 انٹرنیشنل کرکٹ سے ریٹائرمنٹ لے رہا ہوں تاہم جب بھی موقع ملا فرنچائز لیگ کیلئے میری خدمات دستیاب ہوں گی۔ میں دو فارمیٹ میں ملک کی فخر کے ساتھ نمائندگی کرنے کا منتظر ہوں۔‘ 

I would like to announce my retirement from T20 INTERNATIONALS and focus on Test and ODI formats of the game. I will be available to play franchise leagues when the opportunity arrives. Looking forward to proudly represent my nation in the two formats-MR15

— Mushfiqur Rahim (@mushfiqur15) September 4, 2022

واضح رہے کہ مشفق الرحیم نے 28 نومبر 2006 میں زمبابوے کے خلاف ٹی 20میچز میں ڈیبیو کیا تھا اور اپنا آخری ٹی 20 انٹرنیشنل میچ یکم ستمبر 2022ءکو ایشیا کپ میں سری لنکا کے خلاف کھیلا۔