ناسا کا انسان کو چاند پر بھیجنے کا منصوبہ ملتوی 

31

 

واشنگٹن : امریکی خلائی ایجنسی ناسا نے اپنے نئے راکٹ کی چاند پر روانگی تکنیکی مسائل کی وجہ ملتوی کر دی ہے۔

 

ناسا پچاس سال بعد ایک بار بھر انسان کو چاند پر بھیجنے کی تیاریاں کر چکا تھا اور راکٹ کو امریکی وقت کے مطابق  8 بج کر 33  منٹ پر کینیڈی سپیس سینٹر سے خلا میں روانہ ہونا تھا لیکن آخری مراحل پر تکنیکی مسائل کی وجہ سے اس روانگی کو موخر کر دیا گیا ہے۔

 

ناسا انجینیئروں نے کئی تکنیکی مسائل کو حل کرنے کی سر توڑ کوشش کی جن میں انٹر ٹینک میں شگاف کو بند کرنا اور انجنوں میں مطلوبہ اور یکساں ٹمپریچر مہیا کرنا شامل ہیں۔

 

ایس ایل ایس ناسا کی تیار کردہ اب تک کی سب سے طاقتور گاڑی ہے، اور یہ اس کے آرٹیمس پروجیکٹ کی بنیاد ہوگی، جس کا مقصد 50 سال کی غیر موجودگی کے بعد لوگوں کو چاند کی سطح پر واپس لانا ہے۔

 

ناسا کا منصوبہ یہ ہے کہ زمین سے دُور اورین نامی ٹیسٹ کیپسول کو بھیجا جائے۔یہ خلائی جہاز چھ ہفتے کے عرصے میں بحر الکاہل میں واپس آنے سے قبل ایک بڑے قوس پر چاند کے گرد چکر لگائے گا۔

 

اورین بغیر کسی شخص کے اس مشن پر جائے گا لیکن یہ فرض کیا گیا ہے کہ تمام ہارڈ ویئر بالکل اسی طرح کام کر رہے ہیں جس طرح انھیں کرنا چاہیے۔ تاہم خلاباز سنہ 2024 سے شروع ہونے والے مستقبل میں مزید پیچیدہ مشن کی سیریز کے لیے خود خلا میں ایسی گاڑیوں میں سوار ہوں گے۔

 

ناسا کے خلاباز رینڈی بریسنک نے وضاحت کرتے ہوئے کہا کہ ‘ہر وہ چیز جو ہم اس آرٹیمس ون فلائیٹ کے ساتھ کر رہے ہیں، ہم اس بات کو دیکھ کر کر رہے ہیں کہ ہم کیا ثابت کر سکتے ہیں، جو آرٹیمس ٹو کے عملے کے مشن کے لیے خطرہ کم کر دے گا۔‘

 

امریکی خلائی ایجنسی کے پاس اگلے ہفتے ایس ایل ایس-اورین کو اڑانے کے کئی مواقع ہیں، لیکن وہ اس آپشن پر فوری طور پر عمل کرنا چاہے گی۔

تبصرے بند ہیں.