ممنوعہ فنڈنگ: حکومت کا پی ٹی آئی پر پابندی کیلئے سپریم کورٹ جانے کا فیصلہ 

اسلام آباد: حکومت نے الیکشن کمیشن کی طرف سے ممنوعہ فنڈنگ کا فیصلہ آنے کے بعد پی ٹی آئی کے خلاف ڈکلیریشن سپریم کورٹ بھیجنے کا فیصلہ کیا ہے۔

کابینہ کے اجلاس کے بعد میڈیا بریفنگ میں وزیر اطلاعات مریم اورنگزیب نے کہا کہ پی ٹی آئی فارن فنڈنگ پارٹی ثابت ہوگئی ہے۔الیکشن کمیشن کے فیصلے کی روشنی میں پی ٹی آئی قیادت کے خلاف کارروائی کی جائے گی۔

انہوں نے کہا کہ حکومت پی ٹی آئی کے خلاف ڈکلریشن سپریم کورٹ بھیج رہی ہے۔ کابینہ نے فیصلہ کیا ہے کہ پی ٹی آئی فارن فنڈنگ کیس کی تحقیقات ایف آئی اے سے کرائی جائے گی۔