وزیراعظم کا بارش، سیلاب میں جاں بحق افراد کے ورثا کو معاوضہ 24 گھنٹے میں ادا کرنے کا حکم

9

کوئٹہ: وزیراعظم شہباز شریف کا بارش اور سیلاب میں جاں بحق افراد کے ورثا کو معاوضہ 24 گھنٹے میں ادا کرنے کا حکم ۔

 

وزیراعظم نے کہا کہ چیلنج بڑا ہے مل کر مقابلہ کریں گے ۔ بحالی اور امداد کیلئے این ایچ اے کی کوششیں لائق تحسین ہیں ۔ وفاق اور بلوچستان حکومت قومی جذبے سے بحالی اور آباد کاری کیلئے پُرعزم ہیں ۔ غیرمعمولی بارشوں سے وسیع پیمانے پر نقصان ہوئے ، قیمتی انسانی جانوں کے نقصان کے ساتھ انفراسٹرکچر تباہ ہوا ۔ جب تک آخری گھر آباد نہیں ہوتا چین سے نہیں بیٹھیں گے ، مخیر حضرات بھی آگے آئیں ۔ انہوں نے کہا کہ جزوی یا مکمل تباہ مکانوں کا معاوضہ بھی بڑھا کر 5 لاکھ کر دیا ہے ۔

 

وزیراعظم شہباز شریف کو بریفنگ میں بتایا گیا کہ بارش کا 30 سال کا ریکارڈ ٹوٹ گیا ہے ۔ 13 جون کو بارش کا سلسلہ شروع ہوا اور ماضی کے مقابلے 500 فیصد زیادہ بارشیں ہوئیں ۔ بارش اور سیلاب سے بلوچستان میں 136 اموات ہوئیں جبکہ 70 افراد زخمی ۔ 1100 لوگ معمولی زخمی ہوئے جنہیں طبی امداد دی گئی ۔

 

 

 

 

 

 

 

تبصرے بند ہیں.