چیف جسٹس کے بینچ کو فکسڈ کہنا انتہائی افسوسناک ہے: شیخ رشید

اسلام آباد: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ چیف جسٹس کے بینچ کو فکسڈ بینچ کہنا انتہائی افسوسناک ہے، فوج کے بعد اب سپریم کورٹ کو نشانہ بنایا جا رہا ہے۔ 
تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں شیخ رشید نے لکھا ’ چیف جسٹس کے بینچ کو فکسڈ بینچ کہنا انتہائی افسوسناک ہے۔ 2 ووٹوں کے سازشی پرائم منسٹر پر بھی عدم اعتماد لانا ہو گا۔ فوج کے بعد سپریم کورٹ کو نشانہ بنایا جا رہا ہے۔ اتحادی بتائیں کہ ان کے پسندیدہ جج کون سے ہیں۔ یہ اثاثے بیچ کر معیشت کو مزید تباہ کر رہے ہیں۔ اب (ن) لیگ بھی الیکشن سے بھاگ رہی ہے۔‘ 

چیف جسٹس کے بنچ کو فکسڈ بنچ کہنا انتہائی افسوسناک ہے۔2ووٹوں کے سازشی پرائم منسٹر پر بھی عدم اعتماد لانا ہوگا۔فوج کے بعد سپریم کورٹ کو نشانہ بنایا جارہا ہے۔اتحادی بتائیں کہ ان کے پسندیدہ جج کونسے ہیں۔یہ اثاثے بیچ کرمعیشت کو مزید تباہ کررہے ہیں۔اب ن لیگ بھی الیکشن سے بھاگ رہی ہے

— Sheikh Rashid Ahmed (@ShkhRasheed) July 26, 2022

ایک اور ٹویٹ میں انہوں نے لکھا ’حکومت نے بائیکاٹ صرف میڈیا پر کیا اور سپریم کورٹ کو نشانے پر لیا۔ زرداری نے پہلے چوہدری برادران کو لڑایا اب شریف برادران ان کے نشانے پر ہیں۔ پہلے سیاسی عدم استحکام، پھر معیشت کی تباہی، فوج پر تنقید اور چیف جسٹس پر بھی حملہ آور ہوئے۔ کل پرائم منسٹر ہاﺅس میں پریس کانفرنس کا سپریم کورٹ نوٹس لے۔‘ 

حکومت نے بائیکاٹ صرف میڈیا پر کیا اورسپریم کورٹ کو نشانے پر لیا۔زرداری نے پہلےچوہدری برادرن کو لڑایا اب شریف برادران ان کےنشانے پرہیں۔پہلےسیاسی عدم استحکام،پھر معیشت کی تباہی،فوج پر تنقید اور چیف جسٹس پر بھی حملہ آور ہوے۔کل پرائم منسٹر ہاوس میں پریس کانفرنس کا سپریم کورٹ نوٹس لے

— Sheikh Rashid Ahmed (@ShkhRasheed) July 26, 2022