عمران عباس کی وزیراعظم کے بیان پر پیروڈی کی ویڈیو سوشل میڈیا پر وائرل

29

لاہور: پاکستان کے نامور اداکار عمران عباس نے وزیر اعظم شہباز شریف کی پیروڈی کی ہے جس کی ویڈیو سوشل میڈیا پر تیزی سے وائرل ہو رہی ہے ۔

 

عمران عباس نے یہ ویڈیو گزشتہ روز اپنے انسٹاگرام پر پوسٹ کی ، اس ویڈیو میں اداکار شہباز شریف کی آواز پر اپنی اداکارانہ صلاحیتیں دکھا رہے ہیں ۔ سوشل میڈیا صارفین کو ویڈیو میں عمران عباس کے چہرے کے تاثرات بہت پسند آئے ۔

 

ویڈیو کے کیپشن میں اداکار نے واضح کیا ہے کہ یہ ویڈیو کسی کی دل آزاری کیلئے نہیں بلکہ صرف تفریح کیلئے بنائی گئی ہے ۔ عمران عباس کا کہنا تھا کہ یہ واقعی مزاحیہ ویڈیو تھی جس کا مقصد بالکل بھی سیاسی یا نفرت پھیلانا نہیں ۔

 

واضح رہے کہ اداکار عمران عباس کی اس ویڈیو کو سوشل میڈیا پر بہت زیادہ پسند کیا جا رہا ہے ۔ خاص طور پر اداکارہ اشنا شاہ نے عمران عباس کی پیشہ ور اداکاری کو پسند کیا ۔

 

 

 

تبصرے بند ہیں.