فیصل آباد میں کوئی پوسٹل بیلٹ جاری نہیں ہوا، سوشل میڈیا پر غلط خبریں پھیلائی جا رہی ہیں: الیکشن کمیشن 

لاہور : سیکرٹری الیکشن کمیشن عمر حمید خان نے پنجاب ضمنی انتخابات کے حوالے سے ڈسٹرکٹ ریڑننگ افسران کے ساتھ صوبائی الیکشن کمشنر پنجاب میں اہم اجلاس کیا۔

اجلاس میں تمام ڈسٹرکٹ ریٹرننگ افسران سے فرداً فرداً الیکشن انتظامات کے حوالے سے استفسار کیا گیا ۔ پولنگ اسٹیشن پر انتظامات ، پولنگ سٹاف کی حاضری اور سیکورٹی انتظامات پر سیکرٹری الیکشن کمیشن کو بریف کیا گیا۔

#ECP pic.twitter.com/t6eYzz7ANV

— Election Commission of Pakistan (OFFICIAL) (@ECP_Pakistan) July 16, 2022

سیکرٹری الیکشن کمیشن کو آگاہ کیا گیا کہ پی پی 97 فیصل آباد میں پوسٹل بیلٹ کے حوالے سے سوشل میڈیا پر غلط خبریں گردش کر رہی ہیں۔ ریٹرننگ آفسیر پی پی 97 نے آگاہ کیا کہ حلقہ میں اب تک پوسٹل بیلٹ کی کوئی درخواست موصول نہیں ہوئی۔ ریٹرننگ آفیسر پی پی 97 فیصل آباد نے بتایا کہ کوئی پوسٹل بیلٹ پیپر جاری نہیں کیا گیا۔

سیکرٹری الیکشن کمیشن عمر حمید خان نے ڈی آر اوز کو ہدایت کی کہ وہ سوشل میڈیا پراپیگنڈا اور غلط خبروں سے پریشان ہوئے بغیر آئین و قانون کے مطابق اپنا کام جاری رکھیں ۔ پولنگ اسٹیشنز پر پولنگ عملے کے علاوہ کسی کو بھی موبائل فون لے جانے کی اجازت نہیں ہوگی۔