چیف سیکرٹری پنجاب کی زیر صدارت اجلاس، ضمنی انتخابات کیلئے سیکیورٹی اور دیگر انتظامات کا جائزہ لیا

10

لاہور: پنجاب میں ضمنی انتخابات کے حوالے سے چیف سیکرٹری پنجاب کامران علی افضل کی زیر صدارت اجلاس ، صوبے کے 14 اضلاع کے 20 حلقوں میں ضمنی انتخابات کیلئے سیکیورٹی اور دیگر انتظامات کا جائزہ لیا گیا ۔

 

اجلاس کے دوران چیف سیکرٹری پنجاب نے کہا کہ آزادانہ ، منصفانہ اور شفاف ضمنی انتخابات یقینی بنانے کے لئے الیکشن کمیشن آف پاکستان کے ساتھ مکمل تعاون کیا جائے گا ۔

 

انہوں نے مزید کہا کہ لاقانونیت کسی صورت برداشت نہیں کی جائے گی ، قانون ہاتھ میں لینے والوں کے خلاف بلا امتیاز ، فوری اور سخت کارروائی کی جائے گی ۔ اسلحہ کی نمائش پر سخت ایکشن لیا جائے گا ۔

 

کامران علی افضل نے کہا کہ امن و امان کا مسئلہ پیدا کرنے ، جتھے بنانے اور لوگوں کو مسلح کرنے والوں سے آہنی ہاتھوں سے نپٹا جائے گا ۔

 

اجلاس میں ایڈیشنل چیف سیکرٹری داخلہ ، ایڈیشنل آئی جی سیشل برانچ ، سیکرٹری اطلاعات اور متعلقہ افسران کی شرکت ۔ اس کے علاوہ متعلقہ اضلاع کے ڈویژنل کمشنرز ، آر پی اوز ، ڈپٹی کمشنرز اور ڈی پی اوز ویڈیو لنک کے ذریعے اجلاس میں شریک ہوئے ۔

 

 

 

 

تبصرے بند ہیں.