پی ٹی آئی کے نو منتخب ارکان پنجاب اسمبلی کی حلف برداری آج ہو گی
لاہور: پاکستان تحریک انصاف (پی ٹی آئی) کے نو منتخب ارکان کی حلف برداری کے حوالے سے پنجاب اسمبلی کا اجلاس آج ہو گا۔
تفصیلات کے مطابق اجلاس کی صدارت سپیکر پنجاب اسمبلی چوہدری پرویز الٰہی کریں گے جس میں پی ٹی آئی کے پانچ نو منتخب ارکان اسمبلی اپنی رکنیت کا حلف اٹھائیں گے۔
واضح رہے کہ گزشتہ روز لاہور ہائیکورٹ کے فیصلے کے بعد الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کی 5 مخصوص نشستوں کے نوٹیفکیشن جاری کر دیئے تھے۔
الیکشن کمیشن آف پاکستان نے پنجاب اسمبلی کی 5 مخصوص نشستوں پر ارکان کے تقرر کے نوٹیفکیشن جاری کئے تھے جبکہ ان تمام ایم پی ایز کا تعلق پاکستان تحریک انصاف (پی ٹی آئی) سے ہے۔
الیکشن کمیشن کے مطابق خواتین نشستوں پر بتول زین، سائرہ رضا اور فوزیہ عباس جبکہ اقلیتی نشستوں پر حبکوک رفیق اور سیموئیل یعقوب کے تقرر کے نوٹیفکیشن جاری کئے گئے ہیں۔
تبصرے بند ہیں.