امریکی ڈالر مزید سستا ہو گیا

بزنس
57

کراچی: حکومت نے پیٹرولیم مصنوعات کی قیمتوں میں اضافے کیساتھ سخت معاشی فیصلے لینے کا عمل شروع کیا تو روپے کی قدر بھی امریکی ڈالر کے مقابلے میں بہتری کی طرف آنے لگی۔

 

فاریکس ڈیلرز کے مطابق انٹر بینک میں روپے کی قدر میں اتار چڑھاؤ جاری ہے، تاہم آج کاروباری دن کے آغاز پر انٹر بینک میں ڈالر مزید 16پیسے سستا ہوگیا  جس کے بعد روپے کے مقابلے میں ڈالر انٹر بینک میں198 روپے 90 پیسے  کی سطح پر آگیا۔تاہم اوپن مارکیٹ میں ڈالر کی قیمت مستحکم ہے اور  199 روپے 50 پیسے پر ٹریڈنگ ہورہی ہے۔


واضح رہے کہ گزشتہ روز ڈالر199 روپے 06 پیسے پر بند ہوا تھا۔

 

دوسری جانب سیاسی درجہ حرارت میں کمی کے بعدپاکستان اسٹاک ایکسچینج میں بھی سرمایہ کاروں کا اعتماد بحال ہوا ہے اور ٹریڈنگ میں مثبت رجحان نظر آرہا ہے۔

NaiBaat Editor 5836 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.