لانگ مارچ جہاد ہے، رانا ثنا اور پولیس والوں کو نہیں چھوڑوں گا،  سپریم کورٹ سے اجازت لینے جا رہے ہیں : عمران 

چارسدہ : چیئرمین پی ٹی آئی اور سابق وزیراعظم عمران خان نے کہا ہے کہ حکومت اب اسرائیل کو بھی تسلیم کرنےجا رہی ہے ۔پہلی بار ایک وفد اسرائیل گیا ہے۔ پی ٹی وی کا ایک تنخواہ دار شخص بھی وفد میں شامل تھا۔

چارسدہ میں پی ٹی آئی کے ورکرز کنونشن سے خطاب کرتے ہوئے عمران خان نے کہا کہ حقیقی آزادی کی جدوجہد کو جہاد سمجھتےہیں ۔ اب ہم نےسب دیکھ لیاہےکہ کس طرح تیاری کر کےآنا ہے ہم پر تشدد کرنے والوں کی ایک ایک تصویر میری آنکھوں کےسامنےہے راناثنااللہ اورنہ یہ پولیس والے بچیں گےجنہون نےعوام پر تشدد کیا۔

انہوں نے کہا کہ اب جب ہم نکلیں گےاس کےسامنےکوئی رکاوٹ سامنےنہیں آسکےگی۔ سپریم کورٹ پرامن احتجاج کے حق کیلئےجا رہے ہیں۔ امپورٹڈحکومت جان لو،ہم تمہیں کبھی تسلیم نہیں کریں گے امپورٹڈحکومت نےپٹرول اورفضل الرحمان کی قیمت بڑھادی ہے آئی ایم ایف سےحکم ملا امپورٹڈ نے قیمتیں بڑھا دیں۔

چیئرمین پی ٹی آئی نے کہا کہ پاکستان بنا تھا تو ایک نعرہ تھاپاکستان کامطلب کیالاالہ اللہ، کسی صورت چوروں اور امریکی غلاموں کوقبول نہیں کریں گےچوروں کےخلاف حقیقی آزادی کی جنگ لڑنے کیلئے نکلے ہوئےہیں قوم جب آزادی کیلئےکھڑی ہوتی ہےتوہ وہ جہادہے ہماراکارکن علی شاہ، لاہور سے فیصل آزادی کی جنگ میں شہیدہوئےجب تک زندہ ہوں اپنی جدوجہداورجہادنہیں چھوڑوں گا۔