ریحام خان کو عمران خان سے شادی کرنے پر پچھتاوا

40

اسلام آباد: سابق وزیراعظم  اور پاکستان تحریک انصاف (پی ٹی آئی ) کے چیئرمین عمران خان کے مسلم لیگ(ن) کی نائب صدر مریم نواز شریف سے متعلق نامناسب زبان کے استعمال پر ریحام خان بھی بول اٹھیں۔

سماجی رابطے کی ویب سائٹ ٹوئٹر پر ریحام خان نے لکھا کہ’ مجھے اس بات پر شدید شرمندگی ہے کہ میں کبھی ایسے گھٹیا آدمی سے منسلک تھی۔‘

ریحام نے وزیر خارجہ بلاول بھٹو زرداری کی تعریف کرتے ہوئے مزید لکھا  کہ ’بلاول جیسے نوجوان کی شائستگی دیکھیں اور 70 سال کے بوڑھے کی بدتہذیبی کو دیکھیں۔نہ اپنے گھر کی عورت کی عزت، نہ کسی اور گھر کی عورت کی عزت‘

 

واضح رہے کہ پی ٹی آئی  چیئرمین عمران خان نے گزشتہ روز ملتان جلسے سے خطاب کے دوران مریم نواز کیخلاف بات کرتے ہوئے کہا کہ  ’گزشتہ روز مجھے کسی نے ایک ویڈیو کلپ بھیجا جس میں مریم کہیں تقریر کر رہی تھیں اور  بار بار اتنے جذبے اور جنون سے میرا نام لے رہی تھیں، جس پر میں مریم سے کہنا چاہتا ہوں کہ مریم دیکھو تھوڑا دھیان کرو جس طرح تم میرا نام لیتی ہو  کہیں تمھارا خاوند ہی نہ ناراض ہو جائے۔

تبصرے بند ہیں.