اینڈرائیڈ فون میں کال ریکارڈنگ ایپس کی سہولت ختم

82

لاہور: گوگل  اینڈرائیڈ فون میں کال ریکارڈ کرنے والی ایپلی کیشنز کو  اپنے فیصلے کے مطابق آج سے بلاک کر رہا ہے۔

 

غیر ملکی خبررساں ادارے کی رپورٹ کے مطابق گوگل  آج سے اینڈرائیڈ فونز میں تمام کال ریکارڈنگ ایپس کو بلاک کر رہا ہے جبکہ صارفین پلے اسٹور سے کال ریکارڈر ایپس کو ڈاؤن لوڈ بھی نہیں کرسکیں گے۔رپورٹس کے مطابق گوگل کی جانب سے یہ فیصلہ صارفین کی بہتر رازداری کے لیے کیا گیا ہے۔

 

ڈویلپرز اب ایپلیکیشن پروگرامنگ انٹرفیس (اے پی آئی) تک رسائی حاصل نہیں کر سکیں گے جس نے اینڈرائیڈ اسمارٹ فونز پرکال ریکارڈنگ سہولت  فراہم کی تھی۔اینڈرائیڈ کے بارے میں اچھی بات یہ ہے کہ یہ اوپن سورس ہے، جو مینوفیکچررز کو سافٹ ویئر موبائل میں استعمال کے قابل بنانے سے  پہلے اس میں تبدیلی کرنےکی اجازت دیتا ہے اور بہت سے برانڈز نے اسٹاک اینڈرائیڈ کے تجربے سے الگ رہنے کے لیے اس فارمولے پر انحصار کیا ہے۔

 

لہٰذا اگر آپ اینڈرائیڈ اسمارٹ فون پر کال ریکارڈر کا فیچر استعمال کرنا چاہتے ہیں تو کچھ ایسے برانڈز ہیں جو اسے اپنے موبائل میں صارفین کو پہلےسے ( بلٹ ان)  کا آپشن فراہم کرتے ہیں جن میں شیاؤمی، ریڈمی، سام سنگ، اوپو، پوکو، ون پلس، رئیل می، وی وہ، اور ٹیکنو شامل ہیں۔

تبصرے بند ہیں.