سابق وزیراعلیٰ پنجاب کی ڈپٹی سپیکر دوست مزاری سے ملاقات

42

لاہور: سابق وزیراعلیٰ پنجاب سردار عثمان بزدار نے پنجاب اسمبلی کے ڈپٹی سپیکر دوست محمد مزاری سے ملاقات کر کے ان کی خیریت دریافت کی ہے۔ 
تفصیلات کے مطابق دوست محمد مزاری نے سماجی رابطوں کی ویب سائٹ ٹوئٹر پر عثمان بزدار کیساتھ ملاقات کی تصویر شیئر کرتے ہوئے لکھا ’ میں سائیں عثمان بزدار صاحب کا مشکور ہوں کہ آپ میری خیریت پوچھنے میرے گھر تشریف لائے۔ بزدار صاحب نے آج کھل کر دل کی باتیں کیں، ان سے بہت زیادتی کی گئی وہ پارٹی سے وفادار تھے لیکن پارٹی نے ان کو پرویز الٰہی صاحب کیلئے قربان کر دیا۔ بزدار صاحب سے ہونے والی گفتگو پھر کبھی شیئر کروں گا۔‘ 

واضح رہے کہ ہفتے کے دن وزیراعلیٰ پنجاب کے انتخاب کیلئے اسمبلی کا اجلاس شروع ہونے سے قبل پاکستان تحریک انصاف (پی ٹی آئی) اور اپوزیشن ارکان کے درمیان تصادم ہوا جس دوران ڈپٹی سپیکر دوست محمد مزاری پر لوٹے پھینکے گئے اور انہیں تھپڑ بھی مارے گئے۔ 

تبصرے بند ہیں.