لاہور: پاکستان تحریک انصاف (پی ٹی آئی) کے لاہور میں ہونے والے جلسے کی تاریخ ایک بار پھر تبدیل کر دی گئی ہے اور اب یہ جلسہ 21 اپریل بروز جمعرات ہو گا۔
تفصیلات کے مطابق پی ٹی آئی نے عوامی رابطہ مہم کے سلسلے میں گزشتہ روز پشاور اور کراچی کے بعد لاہور میں بھی جلسہ کرنے کا اعلان کرتے ہوئے بتایا تھا کہ 23 اپریل کو مینار پاکستان پر جلسہ کیا جائے گا۔
بعد ازاں یوم علیؓ کی وجہ سے جلسے کی تاریخ تبدیل کر کے 24 کر دی گئی جس کی تصدیق سیکرٹری اطلاعات تحریک انصاف فرخ حبیب کی جانب سے سوشل میڈیا پر کی گئی تھی۔
یومِ شہادتِ حضرت علی رضی اللہ عنہ کے پیشِ نظر پاکستان تحریک انصاف کا 23 اپریل 2022 کو مینارِ پاکستان کے تاریخی میدان میں طے شدہ جلسہ عام کی تاریخ تبدیل کردی گئی ہے۔ یہ جلسۂ عام اب 24 اپریل 2022 بروز اتوار کو منعقد ہوگا، انشاءاللہ! #امپورٹڈ_حکومت_نامنظور
— Farrukh Habib (@FarrukhHabibISF) April 12, 2022
تاہم اب تحریک انصاف کے مرکزی رہنما شفقت محمود کا بیان سامنے آیا ہے جس میں انہوں نے تحریک انصاف کے مینار پاکستان پر ہونے والے جلسے کے حوالے سے ایک نئی تاریخ دی ہے۔
شفقت محمود کا کہنا ہے کہ لاہور میں پی ٹی آئی کا جلسہ اب 21 اپریل بروز جمعرات ہو گا اور چیئرمین پاکستان تحریک انصاف عمران خان جلسے سے خطاب کریں گے۔
تبصرے بند ہیں.