وجود کو خطرہ ہوا تو ایٹمی ہتھیار استعمال کر سکتے ہیں: روس نے خبردار کر دیا

ماسکو:  کرملین کے  ترجمان دمتری پیسکوف  نے خبردار کرتے ہوئے کہا ہے کہ  روس کے وجود کو خطرہ لاحق ہوا تو ایسی صورت میں ایٹمی ہتھیار کا استعمال  کیا جا سکتا ہے۔

امریکی نشریاتی ادارے سی این این کو انٹرویو دیتے ہوئے  ترجمان کرملین نے کہا کہ جوہری ہتھیاروں کو کب اور کیوں استعمال کیا جاتا ہے، اس سے متعلق  تمام وجوہات آپ پڑھ سکتے ہیں۔ تاہم  اگر روس کے وجود کو خطرہ لاحق ہوا تو پھر صرف ایسی صورتحال میں ممکنہ طور پر  ایٹمی ہتھیاروں کا استعمال کریں گے۔

President Putin has raised the threat of using nuclear weapons – and his spokesperson Dmitry Peskov refused to rule out their use, in an interview with me tonight. pic.twitter.com/uxQqncLGYN

— Christiane Amanpour (@amanpour) March 22, 2022

واضح رہے کہ گزشتہ ماہ روس کے صدر ولادیمیر پوٹن نے بھی نیوکلیئر فورس کو ہائی الرٹ رہنے کا حکم دیا تھا جس کے بعد امریکہ سمیت یورپی ممالک نے پیوٹن کو سخت تنقید کا نشانہ بنایا تھا جبکہ امریکی صدر نے دلادمیر پیوٹن کو جنگی مجرم قرار دیا تھا۔