اسلام آباد: پاکستان میں کورونا وائرس سے ہونیوالی اموات میں ایک بار پھر اضافہ ہونے لگا، گزشتہ روز مہلک وبا کا شکار مزید49 مریض انتقال کر گئےجس کے بعد ملک میں اب تک عالمی وبا سے ہونیوالی اموات کی مجموعی تعداد 29 ہزار 877ہوگئی۔
نیشنل کمانڈ اینڈ آپریشن سنٹر (این سی او سی ) کی جانب سے جاری اعداد و شمار کے مطابق 24 گھنٹے کے دوران ملک بھر میں 49 ہزار 553کورونا ٹیسٹ کیے گئے جس میں 2ہزار465 افراد میں کورونا کی تصدیق ہوئی، کورونا سے متاثرہ افراد کی تعداد 14 لاکھ 91 ہزارسے تجاوز کر چکی ہے۔ملک میں مثبت کیسز کی شرح 4عشاریہ 97 فیصد ریکارڈ کی گئی۔
این سی او سی کی رپورٹ کے مطابق کورونا وائرس کے شکار ایک ہزار534مریضوں کی حالت تشویشناک ہے جو اس وقت آئی سی یو میں زیر علاج ہیں۔
Statistics 16 Feb 22:
Total Tests in Last 24 Hours: 49,553
Positive Cases: 2465
Positivity %: 4.97%
Deaths :49
Patients on Critical Care: 1534— NCOC (@OfficialNcoc) February 16, 2022
دوسری جانب حکومت نے کورونا وائرس کے پھیلاؤ میں کمی ہونے والے شہروں میں آج سے پابندیاں ختم کردی ہیں البتہ کورونا اضافی کیسز والے شہروں میں پابندیاں برقرار رہیں گی۔
این سی او سی نے مسلسل 3 دن سے زائد 10 فیصد سے کم کورونا شرح والے شہروں میں آج سے پابندیاں ختم ہو گئی ہیں۔
تبصرے بند ہیں.