بیرون ملک جانے سے قبل یہ خبر ضرور پڑ ھ لیں ،نیا سفری ہدایت نامہ جاری

لاہور:سول ایوی ایشن اتھارٹی نے بیرون ملک جانے والے مسافروں کے لئے نیا سفری ہدایت نامہ جاری کر دیا،بیرون ملک جانے والے مسافر کو امیگریشن کیلئے پی سی آر ٹیسٹ رپورٹ دکھانا لازمی قرار دے دیا گیا ہے۔

سول ایوی ایشن کی طر ف سے جاری نو ٹیفکیشن کے مطابق مسافر کو امیگریشن کیلئے ایف آئی اے کو کورونا رپورٹ دکھانا ہوگی،انٹرنیشنل پرواز کے مسافر کو پی سی آر ٹیسٹ کی دو عدد فوٹو کاپی ایف آئی اے امیگریشن کے حوالے کرنا ہوں گی۔

اس حوالے سے سول ایوی ایشن نے باضابطہ نوٹیفکیشن جاری کر کے ایئرلائنز اور متعلقہ اداروں کو آگاہ کر دیا ہے،ٹریول ایجنسیوں اور ایئرلائنز نے نئی شرط سے متعلق مسافروں کو آگاہی پیغامات بھیجنا شروع کر دئیے ہیں تاکہ کسی بھی پریشانی سے بچا جا سکے۔