ون ڈے پلیئر آف دی ائیر منتخب ہونے پر بابراعظم کا بیان بھی آ گیا

کھیل
26

لاہور: پاکستان کرکٹ ٹیم کے کپتان بابراعظم نے انٹرنیشنل کرکٹ کونسل (آئی سی سی) کی جانب سے ون ڈے کرکٹر آف دی ائیر کا اعزاز ملنے پر مداحوں کا شکریہ ادا کیا ہے۔ 
تفصیلات کے مطابق قومی ٹیم کے کپتان بابراعظم کے نام ایک اور اعزاز ہوا ہے اور آئی سی سی نے انہیں و ن ڈے کرکٹر آف دی ائیر کے اعزاز سے نوازا ہے جس پر پاکستان کرکٹ بورڈ (پی سی بی) نے انہیں مبارکباد پیش کی ہے۔ 

آئی سی سی ون ڈے پلیئر آف دی ایئر بننے پر قومی ٹیم کے کپتان بابر اعظم کا بیان بھی سامنے آیا ہے جس میں انہوں نے مداحوں کا شکریہ ادا کرتے ہوئے کہا کہ خوش قسمت ہوں کہ اتنی اچھی ٹیم میرے ساتھ موجود ہے، آئی سی سی اور پی سی بی کا بھی شکر گزار ہوں۔

یاد رہے کہ آئی سی سی نے پلیئر آف دی ایئر کیلئے بابر اعظم، شکیب الحسن، ینامن ملان اور پال سٹرلنگ کو نامزد کیا تھا لیکن قرعہ پاکستان کے بابر اعظم کے نام نکلا۔
بابر اعظم نے 2021ءکے دوران 6 ون ڈے میچز میں 67 کی اوسط سے 405 رنز بنائے۔ انہوں نے جنوبی افریقہ کے خلاف ون ڈے سیریز میں 228 جبکہ انگلینڈ کے خلاف سیریز میں 177 رنز جوڑے۔

Ayesha Siddiqa 6590 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.