روس کا امریکا سے دوبارہ مذاکرات سے انکار

11

ماسکو: روس نے یوکرین تنازعہ پر امریکا سے مذاکرات کا نیا دور شروع کرنے سے انکار کر دیا ہے۔

 

بین الاقوامی میڈیا کے مطابق روس نے کہا ہے کہ جب تک امریکا ہمارے مطالبات کا جواب نہیں دے گا تب تک مذاکرات نہیں ہونگے۔

 

روسی وزیر خارجہ سرگئی لیوروف نے پریس کانفرنس سے خطاب کرتے ہوئے کہا کہ اُس وقت تک مذاکرات دوبارہ شروع نہیں ہو سکتے جب تک مطالبات کا واضح جواب نہ دیا جائے اور امید کریں کہ مذاکرات دوبارہ ہوں۔ ہم سے وعدہ کیا گیا تھا کہ مطالبات کا جواب دیں گے اور ہم انتظار کررہے ہیں۔

 

دوسری جانب نیٹو چیف اسٹولٹنبرگ نے کہا ہے ہم نے مستقبل میں دوبارہ مذاکرات کیلئے نیٹو اتحاد اور روس کو دعوت دی ہے۔ اس میں دونوں فریقین  کے تحفظات کو مدِنظر رکھا جائے گا تاکہ یوکرین پر ممکنہ حملے کو روکا جاسکے۔

 

خیال رہے کہ امریکی وزارت خارجہ کے مطابق اینتھونی بلنکن یوکرین کے دورے پر بدھ کو روانہ ہونگے جس میں وہ صدر وولوڈمیر زیلنسکی سے ملاقات کریں گے اور یوکرین کو امریکی حمایت کی یقین دہانی کرائیں گے۔

 

تبصرے بند ہیں.