پی آئی اے میں فی طیارہ ملازمین کی تعداد 550 سے 260 کردی: ارشد ملک

58

اسلام آباد : قومی ایئرلائن کے سی ای او ائیر مارشل ارشد ملک کہتے ہیں. کہ ضرورت سے زائد سیاسی بھرتیوں کیلئے پہچانے جانے والی پی آئی اے کی افرادی قوت میں واضح کمی کردی گئی ہے. ان میں ایک ہزار گھوسٹ ملازمین اور جعلی ڈگریوں والے بھی شامل ہیں ۔

نیو نیوز کے مطابق ائیر مارشل ارشد ملک کا مزید کہنا ہے. کہ پی آئی اے کی افرادی قوت کی شرح بین الاقوامی تناسب کے برابر کردی گئی ہے.  سال 2017 میں پی آئی اے کی فی طیارہ ملازمین کی تعداد 550 تھی جو کم ہو کر صرف 260 رہ گئی ہے. اور دنیا کی بہترین ائیرلائنز بھی اپنی افرادی قوت کی شرح کو 200 سے 250 کے درمیان رکھتی ہیں۔

ایئر مارشل ارشد ملک کا کہنا تھا کہ 2022 میں مزید طیاروں کی آمد سے شرح 220 پر آجائے گی. ملازمین کی تعداد میں کمی رضاکارانہ علیحدگی سکیم، جعلی ڈگری اور نظم و ضبط کی خلاف ورزی کرنے والے ملازمین کی برطرفی سے ہوئی ہے۔19 ملازمین نے رضاکارانہ علیحدگی سکیم سے استفادہ کیا۔

                    یہ ضرور پڑھیں: سلمان شہباز کو حوالے کیا جائے: نیب کا برطانوی حکومت کو خط

انہوں نے کہا کہ ایک ہزار کے قریب گھوسٹ ملازمین موجودہ انتظامیہ نے برطرف کئے۔837 ملازمین جعلی ڈگریوں کی وجہ سے برطرف ہوئے. 1100 ملازمین کے خلاف نظم و ضبط کی خلاف ورزیوں اور کرپشن کی وجہ سے کارروائی کی گئی تھی ۔

انہوں نے کہا کہ اس تمام تر عمل سے ملازمین کی تعداد کم کرنے سے سالانہ 8 ارب روپے کی بچت بھی ہوگی. پی آئی اے کا اصلاحاتی عمل جاری رہے گا جبکہ مزید طیارے بیڑے میں شامل کر رہے ہیں. جس سے سروس کا معیار مزید بہتر ہوجائےگا۔

تبصرے بند ہیں.