بی جے پی نے بھارت میں نفرت کی کئی فیکٹریاں قائم کررکھی ہیں، راہول گاندھی

9

نئی دہلی: بھارت میں کانگریس کے رہنما راہول گاندھی نے کہا ہے. کہ بھارتیہ جنتا پارٹی (بی جے پی) نے نفرت کی کئی فیکٹریاں قائم کررکھی ہیں۔

بھارتی میڈیا کے مطابق بھارت میں کانگریس کے رہنما راہول گاندھی نے سماجی رابطے کی ویب سائٹ ٹوئٹر پر ہندی میں لکھا کہ ایک مخصوص مذہب کی خواتین کو نشانہ بنانے والے”بلی بائی“ ایپ کیس کے ملزمان کی عمر دیکھتے ہوئے پورا ملک حیران ہے. کہ اتنی نفرت کہاں سے آرہی ہے۔

انہوں نے کہا کہ بلی بائی ایپ کیس کے ملزم کی کم عمری کو دیکھ کر پورا ملک پوچھ رہا ہے. کہ اتنی نفرت کہاں سے آتی ہے۔ دراصل بی جے پی نے نفرت کی کئی فیکٹریاں قائم کر رکھی ہیں. اور ٹیک فوگ ان میں سے ایک ہے۔

انہوں نے ایک رپورٹ کو ٹیگ کیا جس میں کہا گیا تھا. کہ ٹیک فوگ بی جے پی کی معاون ایپ ہے. جس نے سائبر آرمی کو نفرت پھیلانے اور سوشل میڈیا پرٹرینڈز کے ساتھ چھیڑ چھاڑ کرنے کی طاقت دی ہے۔

یہ ضرور پڑھیں:وزیر اعظم عمران خان کو نااہل قرار دینے کی درخواست خارج

کانگریس رہنما نے کہا کہ کانگریس پہلے ہی اس ایپ کے حوالے سے حکومت سے جواب طلب کر چکی ہے. اور بھارتی سپریم کورٹ سے مداخلت کا مطالبہ کرچکی ہے. ’بلّی بائی‘ کیس میں سینکڑوں مسلم خواتین کی تصاویر کو ’نیلامی‘ کے لیے ’بلّی بائی‘ نامی ایپ پر اپ لوڈ کیا گیا تھا۔

تبصرے بند ہیں.