پاکستان میں کورونا سے مزید 2 اموات

اسلام آباد: ملک بھر میں کورونا وائرس سے 24 گھنٹوں کے دوران مزید 2 افراد انتقال کر گئے۔اموات کی مجموعی تعداد 28 ہزار 872 ہو گئی۔

 نیشنل کمانڈ اینڈ آپریشن سینٹر (این سی او سی) کی جانب سے جاری اعدادو شمار کے مطابق گزشتہ 24 گھنٹوں کے دوران ملک میں کورونا کی تشخیص کے لیے 42 ہزار 640 ٹیسٹ کیے گئے جن میں سے 259 افراد میں کورونا وائرس کی تصدیق ہوئی۔ اس طرح سے  مثبت کیسز کی شرح 0.60 فیصد ریکارڈ ہوئی ہے۔اس وقت ملک بھر میں  کورونا میں مبتلا656مریضوں کی حالت تشویشناک ہے۔

Statistics 19 Dec 21:
Total Tests in Last 24 Hours: 42,640
Positive Cases: 259
Positivity %: 0.60%
Deaths : 2
Patients on Critical Care: 656

— NCOC (@OfficialNcoc) December 19, 2021

دوسری جانب کورونا وائرس کے نئے ویرئینٹ اومی کرون کے سامنے آنے کے بعد دنیا بھر میں حفاظتی اقدامات کرنا شروع کردیئےگئے ہیں۔

عالمی اداروں کے ماہرین کا کہنا ہے کہ  25 دسمبر کو کرسمس اور 31 دسمبر کو نئے سال کی خوشی میں ہیپی نیوائیر منائے جانے کی تقریبات کی وجہ سے نیا ویریئنٹ اومی کرون دنیا کو ایک بار بھر اپنی لپیٹ میں لے سکتا ہے۔مرکز برائے انسداد امراض نے اپنی جائزہ رپورٹ میں اس امکان کا بھی اظہار کیا ہے کہ  یہ نئی قسم تیزی سے یورپ میں پھیل سکتی ہے، رپورٹ میں مریضوں کی تعداد و اموات میں خطرناک حد تک اضافہ کا خدشہ بھی ظاہر کیا گیا۔

عالمی ادارہ صحت نے  بھی اس نئے ویریئنٹ کے رونما ہونے کے بعد دنیا بھر کے ممالک کو حفاظتی اقدامات کرنے کی ہدایت کی ہے۔ ماہرین کا کہنا ہے کہ نئے ویریئنٹ کے پھیلاؤ کیلیے سرد موسم انتہائی مفید ہے،کرسمس اور نیو ائیر کے موقع پر دنیا بھر میں سفری سرگرمیاں عروج پر ہوتی ہیں جس کی وجہ سے اس بات کا خدشہ ہے کہ کووڈ کا نیا ویریئنٹ دنیا بھرمیں تباہی پھیلا سکتا ہے۔طبی ماہرین نے  خبردار بھی کیا ہے کہ  ویکسین لگوانے کے باوجود بھی اومی کرون ویریئنٹ متاثر کرسکتا ہے۔