محمد آصف مداحوں کو بڑا سرپرائز دینے کیلئے تیار

کھیل
651

لاہور: (ویب ڈیسک) قومی کرکٹ ٹیم کے سابق فاسٹ باؤلر محمد آصف نے مداحوں کیلئے سرپرائز کا اعلان کردیا۔
سابق فاسٹ باؤلر محمد آصف نے ٹویٹر پر اپنے فینز کیساتھ سوال و جواب میں دل کھول کرگپ شپ کی۔
اس دوران نصیر احمد سعید نامی ٹوئیٹرصارف نے آصف سے مستقبل کے منصوبوں بارے پوچھا جس پر فاسٹ باؤلر بولے کہ ’سرپرائز‘ ہے۔


ایک اور صارف نے  لکھا  کہ ایک لفظ شاہد آفریدی کیلئے کہہ دیں تو  آصف نے جواب دیا کہ ’لالہ جی ہیرو ہمارے دلوں کی دھڑکن‘


ایک صارف نے بابر اعظم  کو کوئی مشورہ دینے کیلئے کہا جس پر   آصف نے کہا کہ  ان کو اپنی کپتانی میں بہتری لانا ہو گی، بطورکھلاڑی بہترین ہیں۔ 


 شاداب خان  کی تعریف کرتے ہوئے  محمد  آصف نے کہا کہ ’بہترین  فیلڈر ہے اور  اپنی باؤلنگ میں بھی کافی نکھار لایا ہے۔


اس گفتگو کے دوران سابق فاسٹ باؤلر نے انکشاف کیا کہ سابق بھارتی بلے باز  لکشمن اور ڈریوڈ کو گیند بازی  کرنا مشکل ہوتا تھا تاہم انگلش بیٹر کیون پیٹرسن کو آؤٹ کرنا ان کیلئے  آسان تھا۔
خیال رہے کہ محمد آصف اپنے کرکٹ کیرئیر میں 36 ایک روزہ میچ اور 23 ٹیسٹ میچ کھیلے، ایک روزہ میچوں میں 46 اور ٹیسٹ میچز میں 106 وکٹیں حاصل کیں تاہم میچ کے دوران سپاٹ فکسنگ کی زد میں آنے کے بعد ان کے کرکٹ کیرئیر کا اختتام  انتہائی مایوس کن ہوا۔

Irfan Rana 6119 posts 0 comments
شاید آپ یہ بھی پسند کریں مصنف سے زیادہ

تبصرے بند ہیں.