دبئی: متحدہ عرب امارات میں ہونے والے ٹی ٹوئنٹی ورلڈ کپ کا فائنل 14 نومبر کو آسٹریلیا اور نیوزی لینڈ کے درمیان کھیلا جائے گا۔ اس میچ سے قبل نیوزی لینڈ کو دھچکا لگا ہے اور اس کا اہم کھلاڑی باہر ہوگیا ہے۔
نیوزی لینڈ کے وکٹ کیپر بیٹر ڈیوون کونوے سیدھے ہاتھ میں انجری کی وجہ سے ورلڈ کپ فائنل سے باہر ہوگئے ہیں۔
اس کے ساتھ ہی کونوے رواں ماہ نیوزی لینڈ کے دورہ آسٹریلیا سے بھی باہر ہوگئے ہیں۔ خیال رہے کہ کونوے نے انگلینڈ کیخلاف سیمی فائنل میچ میں 46 رنز کی اننگز کھیل کر ٹیم کو جتوایا تھا۔
JUST IN: Devon Conway has been ruled out of the #T20WorldCup final with a broken right hand.
He will also miss New Zealand's tour of India. pic.twitter.com/dWvwJD5w01
— ESPNcricinfo (@ESPNcricinfo) November 11, 2021
کونوے کی غیر موجودگی کا فائدہ آسٹریلیا کو ہو گا جو اب ورلڈ کپ جیتنے کا مضبوط امیدوار بن گیا ہے۔
خیال رہے کہ دوسرے سیمی فائنل میں اب تک ناقابل شکست رہنے والی پاکستان ٹیم آسٹریلوی قلعہ فتح کرنے میں ناکام رہی اور ورلڈ کپ سے باہر ہوگئی جبکہ آسٹریلیا فائنل میں پہنچ گیا ہے۔
تبصرے بند ہیں.